0
0
பச்சை பட்டாணியில் உள்ள அற்புத மருத்துவ குணங்கள்!.
பச்சை பட்டாணியில் அதிகளவு கார்போஹைட்ரேட் உள்ளது.மேலும் நார்ச்சத்து, புரோட்டீன், விட்டமின் ஏ மற்றும் விட்டமின் கே ஆகிய ஊட்டச்சத்துக்கள் இதில் அதிகளவில் நிறைந்துள்ளன.
பச்சை பட்டாணியில் மாங்கனீஸ், இரும்புச் சத்து, போலேட்,தயமின் போன்ற ஊட்டச்சத்துக்கள் நிறைந்துள்ளது. மேலும் இதில் உள்ள அதிகளவு நார்ச்சத்து மற்றும் குறைந்த கலோரிகள் இருப்பதால் உடல் எடையை குறைக்க அதிகம் பயன்படுகிறது.
மணி மணியாய் கண்ணுக்கு விருந்தளிக்கும் பச்சை பட்டாணி ஊட்டச்சத்துக்கள் நிறைந்த காய்கறிகளில் ஒன்று. பச்சை பட்டாணியை எதனோடு சேர்த்தாலும் அதன் சுவையே அலாதியானதுதான். மஞ்சள் பட்டாணி, கருப்பு பட்டாணி, ஊதா பட்டாணியோடு பச்சை பட்டாணியும் உண்டு.
பச்சைப்பட்டாணி நார்ச்சத்து மற்றும் புரத சத்தை உள்ளடக்கியுள்ளது. மாவுச்சத்து செரிமானத்தை சீராக்க உதவுகிறது. இது கார்போஹைட்ரேட்டுகளின் முறிவை மெதுவாக்க செய்கிறது. அதனால் ரத்த சர்க்கரை அளவு கட்டுப்படுத்தப்படுகிறது.
பட்டாணியில் இருக்கும் ஒமேகா -3 மற்றும் ஒமேகா 6 கொழுப்பு அமிலங்கள்ள் ஆக்ஸிஜனேற்றம் மற்றும் வீக்கத்தை குறைக்க செய்யும். பட்டாணியில் இருக்கும் மெக்னீசியம், பொட்டாசியம் மற்றும் பிற சத்துகள் உங்கள் உயர் ரத்த அழுத்த அபாயத்தை குறைக்கும் குணங்களை கொண்டிருக்கிறது.
நோயெதிர்ப்பு சக்தியை வலுப்படுத்தக்கூடியது பச்சைப்பட்டாணி. வைட்டமின்சி, வைட்டமின் இ, துத்தநாகம் மற்றும் பிற ஆக்ஸிஜனேற்றிகளின் சிறந்த ஆதாரமாக பட்டாணி உள்ளது. வைட்டமின்கள் ஏ, பி, குமெஸ்ட்ரால் போன்ற பிற ஊட்டச்சத்துகள் வீக்கத்தை குறைக்க செய்கிறது.
பச்சைப்பட்டாணியில் ஆன்டி ஆக்ஸிடண்ட்கள் மற்றும் ஆன் டி இன்ப்ளமேட்டரி ஊட்டச்சத்துக்கள் மூட்டு வலியை தவிர்க்க செய்கிறது. நாள்பட்ட மூட்டுவலியின் அழற்சியை குறைக்கிறது. பச்சை பட்டாணி கீல்வாதத்துடன் தொடர்பு கொண்ட மூட்டு வலி அழற்சியின் தீவிரத்தை தடுக்க செய்கிறது. இதில் இருக்கும் வைட்டமின் கே ஆனது எலும்பை ஆரோக்கியமாக வைத்திருக்க உதவுகிறது. இதனால் எலும்பு சம்பந்தமான நோய்கள் வருவதும் தடுக்கப்படுகிறது.
கொலஸ்ட்ரால் என்பது உணவில் இருக்கும் தீமையான கொழுப்புகள் உடலில் ரத்தத்தில் படிந்து எதிர்காலத்தில் இதயம் சம்பந்தமான கோளாறுகளை ஏற்படுத்துகிறது. பச்சை பட்டாணியில் பீட்டா குலுக்கன் சத்து அதிகம் நிறைந்திருக்கிறது. இதை சாப்பிடுவதால் உடலில் கொலஸ்ட்ரால் படிவதை தடுக்கிறது. உடல் எடை அதிகமாகாமல் தடுக்கிறது.
பச்சை பட்டாணியில் மாங்கனீஸ், இரும்புச் சத்து, போலேட் மற்றும் தயமின் போன்ற ஊட்டச்சத்துக்கள் உள்ளன. இதன் அதிகமான நார்ச்சத்து மற்றும் குறைந்த கலோரிகள் உடல் எடையை குறைக்க பயன்படுகிறது.மேலும் ஜீரண சக்தியை அதிகரிக்கும்.
பச்சை பட்டாணியை உணவோடு சேர்த்து கொண்டால் குடலில் உள்ள நல்ல பாக்டீரியாக்களின் உற்பத்தியை அதிகரிக்கும். அதேபோல் இதில் உள்ள நார்ச்சத்தால் மலச்சிக்கல் பிரச்சனை குணமாகும்.
பச்சை பட்டாணியில் உள்ள வைட்டமின் பி3 இதய நோயை உண்டாக்கும் கெட்ட கொழுப்பை கரைத்து இதய நோயில் இருந்து காக்கிறது. மேலும் இதில் உள்ள ஆன்டிஆக்ஸிஜென்டுகள் இதயத்தில் உள்ள ரத்த குழாய்களில் கெட்ட கொழுப்பு சேர்வதை தடுக்கிறது.
பச்சை பட்டாணியில் உள்ள பொட்டாசியம் ரத்த அழுத்தத்தை குறைக்கிறது. மேலும் இதில் உள்ள இரும்பு சத்து மற்றும் தாமிரச் சத்துக்கள் ரத்தத்தில் உள்ள சிவப்பு அணுக்களை அதிகரிக்கிறது.
